5. Kvadrat

Əgər siz tərəddüdsüz kvadratı seçmisinizsə, siz yorulmaq bilməyən zəhmətkeşsiniz. Zəhmətsevərlik, yanımcanlıq, başladığı işi sona çatdırmaq ehtiyacı, işin başa çatdırılmasını şərtləndirən inadkarlıq-əsl kvadratın əsas səciyyəvi xüsusiyətləridir. Dözmlülük, səbirlilik və metodiklik kvadratları öz sahələrində yüksək səviyyəli mütəxəssis olmalarını şərtləndirir. Buna onların həm də informasiyaya doymaq bilməyən maraqları xidmət edir. Onların malik olduqları bütün informasiyalar sistemləşdirilmiş və yerbəyer edilmişdir. Kvadrat lazım olan informasiyanı dərhal təqdim etməyə qabildir. Bu da haqlı olaraq onları ən azı öz sahələrində erudit (hərtərəfli, geniş biliyə malik olanlar) kimi tanıdır. Kvadratı-xətti fiquru seçənlər çox ehtimal ki, “solyarımkürəli” təfəkkür sahibidirlər, yəni informasiyanı ardıcıl olaraq emal edirlər: a-b-c...

Kvadrat nəticəni daha çox “hesablayır”, nəinki, onu duyur və ya hiss edir. Kvadrat detallara və təfərrüata olduqca diqqətli və həssasdır. Kvadratlar bir dəfə və həmişəlik bərqərar olmuş qayda-qanunu sevirlər. Onların idealları-planlaşdırılmış və qabaqcadan bəlli olan həyatdır və onlar hadisələrin ənənəvi gedişində dəyişikliyi xoşlamırlar. Onlar daima ətraflarında olan adamları və əşyaları “nizamlamaqla”, təşkilatlandırmaqla məşğul olurlar. Bütün bu keyfiyyətlər kvadratların yaxşı mütəxəssis-texnik, inzibatçı olmalarını şərtləndirir. Onlar nadir hallarda yaxşı menecer olurlar.

Onların detallara həddən artıq aludəçilikləri, qərarın qəbul edilməsi üçün dəqiqləşdirməyə yönələn informasiyaya ehtiyacın olması kvadratı operativlikdən- çeviklikdən məhrum edir. Səliqəlilik, qaydalara əməl etmək, intizamlılıq və s. fəaliyyəti iflic edəcək dərəcədə ifrat həddə yüksələ bilər. Digər tərəfdən pasionallıq, emosional “quruluq”, dəyərləndirmədə mühafizəkarlıq başqaları ilə tez ünsiyyət qurulmasına mane olur. Kvadratlar amorf vəziyyətdə səmərəsiz fəaliyyət göstərirlər.