1.Ziqzaq

Bu fiqur kreativliyə, yaradıcılığa dəlalət edir. Çünki bu bütün fiqurların ən unikalı və yeganə qapalı olmayanıdır. Bu fiquru tərəddüdsüz seçən şəxs çox ehtimal ki, özünəməxsus düşüncə tərzinə malik “sağyarımkürəli” təfəkkür sahibidir.

Sizə və sizin yaxın “qohumunuz“ olan dairəyə daha çox obrazlıq, intuitivlik, inteqrativlik, mozaiklik, (rəngarənglik, kontrastlıq, müxtəliflik ) səciyyəvidir. Ciddi ardıcıl deduksiya sizin stildir. “Ziqzaqın fikirləri” “a”-dan “x”-ya  təlatümlü sıçrayışlar edir və bu səbəbdən solyarımkürəlilərin bir çoxu onları başa düşə bilmirlər. “Sağyarımkürəli” təfəkkür detalların üzərində fiksə olunmur, bu dünyanın mənzərəsini bəzi məqamlarda sadələşdirməyə, tam, hormonik ( ahəngdar ), konsepsiyaların, obrazların yaradılmasına, gözəlliyin duyulmasına imkan verir. “Ziqzaqlar”, adətən yüksək inkişaf etmiş estetik hissə malik olurlar.

Ziqzaqlarda daha çox  sintetik təfəkkür tərzi dominantlıq  təşkil edir. Dairələrdən fərqli olaraq, ziqzaqlar konsensusda maraqlı deyillər güzəştlər hesabına sintezə nail olmurlar, əksinə ideyalar konfliktini (ziddiyyətini) daha da gərginləşdirərək  yeni konsepsiya qururlar ki, bu konsepsiyada konflikt həllini tapır, ziddiyyət aradan qalxır. Bir çox hallarda onlar öz təffəkür çevikliyindən istifadə edərək, “sancmaq” mövqeyində durmaqla, başqalarını da oyadırlar, “gözlərini açırlar”.

Ziqzaqlar yaxşı strukturlaşmış vəziyyətlərdə-hallarda sadəcə olaraq fəaliyyət göstərə bilmirlər. Aydın, ciddi şaquli və üfüqi əlaqələr, ciddi fiksə öhdəçiliklər, dəyişməyən fəaliyyət, davranış üsulları onları qıcıqlandırır. İşdə onların müstəqilliyə və yüksək stimula ciddi ehtiyacları var. Belə olduqda ziqzaqlar “canlanır” və öz funksiyalarını-yeni ideyalar və fəaliyyət üsulları “istehsal” etməyi, yerinə yetirir.

Ziqzaqlar idealistdirlər buradan da onların qeyri –pratikliyi və sadəlövlüyü qaynaqlanır.

Ziqzaq bütün fiqurlardan ən tez qıcıqlananıdır. Onlar təmkinsiz və çox ekspressivdirlər. Bu da onların ekssentrikliyi ilə vəhdətdə bir çox hallarda onlara ideyalarını həyata keçirməkdə mane olur. Digər tərəfdən də onlar konkret detalların araşdırılmasında zəifdirlər və işin başa çatdırılmasında çox inadkar da deyillər (ideyanın yeniliyi keçdikcə, onların da maraqları öləziyir, sönür).