Hədəfin bilgəsi nədir?
“Hədəf Kursları”MMC-nin hər ay təşkil etdiyi aylıq sınaq imtahanlarında filial birincisi və ümumi kurs birincisi Hədəfin bilgəsi sayılır. Bütün qruplar üzrə keçirilən imtahanda hər filialda qrup üzrə 1-ci yeri tutan şagird həmin ay Filial bilgəsi sayılır, həmin tələbələr haqqında qısa məlumat, yəni şagirdin adı, soyadı, təhsil aldığı məktəb, Hədəf Kurslarında hazırlaşdığı qrup və sinif, sınaq imtahanında topladığı bal, fənnlər üzrə uğur faizi, fotoşəkilləri və s. olan afişalar hazırlanır və ay boyunca filial daxilində olan Tv-lərdə “ Hədəf Bilgəsi” videoroloki adı altında yayımlanır.
Bundan əlavə filial bilgəsi üçün nəzərədə tutulmuş hədiyyələr isə bunlardır:
1) Filial müdiri adından “Təltifnamə” ilə mükafatlandırılır.
2) Filial müdiri adından abituriyent valideyninə “Təşəkkür Məktubu” göndərilir.
3) Filial kantinində istifadə edə biləcəyi 10 AZN-lıq kupon filial müdiri adından şagirdə verilir.
4) Abituriyentin dərs keçdiyi sinif otağının qapısında “Bu otaqda sentyabr ayı filial Bilgəsi –“ Ad və soyad” qeyd olunur və bu elan il sonuna qədər qapının üzərində qalır.
5) İl sonunda ən çox bilgə olan tələbələr müəllimləri tərəfindən mükafatlandırılır.
6) İl ərzində 3 dəfə “Filial Bilgəsi” olan şagirdə 1 gün boyunca filial müdiri kreslosuna oturmaq imkanı yaradılır. Bilgə gün boyunca şagirdlərin problemlərini dinləyir və problemlər haqqında filial rəhbərliyini məlumatlandırır.
“ Hədəfin Bilgəsi” üçün Hədəf Kursları MMC-nin Baş Direktoru tərəfindən təyin olunmuş hədiyyələr:
- Hədəf Kursları MMC-nin Baş Direktoru və ya onu əvəz edəcək şəxs adından “Diplom”-la mükafatlandırılır.
- Hədəf Kursları MMC-nin Baş Direktoru adından xüsusi hədiyyə, şagirdin təhsil aldığı Orta Məktəbə və valideyninə “Təşəkkür Məktubu” (Şagirdin oxuduğu məktəbə isə məktubla bərabər müəyyən kitab hədiyyələri göndərilir), filialın kantinində istifadə edə biləcəyi 20 AZN-lıq kupon, həmin ayın təhsil haqqından azad olunmaq haqqı, Baş İdarə büdcəsindən hər ay “Hədəf Bilgəsinin” xərcləməsi üçün 100 AZN məbləğində maliyyə (bu vəsait “Hədəf Bilgəsi”nin qərarı ilə hər hansı bir şagird və ya müəllimə mükafat, sosial aksiya, filial üçün lazımi avadanlığın alınmasına və s. xərclənə bilər) ayrılır.
- Hədəf Bilgələri” üçün ümumi Bilgələr Məclisi təşkil olunur. Hər ayın qalibi olan abituriyentlər “Bilgələr Məclisi”nin üzvü olurlar.Hədəfin Bilgəsi olan şəxs Məclisin Baş Bilgəsidir. “Bilgələr Məclisi” Baş İdarədə təşkil edilir, ay ərzində filiallardakı problemlər və ya təkliflər müzakirə edilir. Hədəfin Bilgəsi titulu “Bilgələr Məclisində” Baş Direktor tərəfindən təqdim edilir.
- “Hədəf Bilgəsi” istənilən bir fənn üzrə mövzu izahını elektron lövhədə təqdim edir. Bu izah video dərs kimi “Abituriyentin Hədəf Saatı” başlığı altında Hədəf YouTube kanalında yayımlanır.
- İl sonunda şagirdi “Hədəf Bilgəsi” olan filial və filial müdiri xüsusi Diplom və qiymətli hədiyyə ilə mükafatlandırır.
